¿Cuals son os
obchetivos de
TRUCA, TRUCA?

Dende fa bel tiempo mos trobamos con que bellas tradizions, por un regular fiestas, muito enradigadas en o nuestro calendario tradizional, van estando sustituyidas por os suyos equivalens en atras culturas, por un regular con muita presenzia en os medios de comunicazión de masas y con una gran repercusión economica.

A escuela no en ye allena, y asinas fiestas como Nueit d’almetas, Todos los santos en castellano, se sustituyen por Hallowen, fendo-nos pensar que beluns d’os suyos elementos como as carbazas, son foranos, cuando a verdat ye que fan parte d’a cultura nuestra. Lo mesmo puet dezir-se d’o Carnaval u Carnestoltes que conta en Aragón con personaches propios (mascarutas, trangas, onsos …), pero que en o nuestro imachinario van estando sustituyius por os carnavals mediaticos de Tenerife, Venezia u Rio de Janeiro y son copiaus sin más en os nuestros pueblos y ziudaz; y qué cosa dezir d’a rica tradizión a redol d’a Navidat u Nadal (tronca, lamins, estrenas …) que ha estau escampada por papas noels y similars.

Truca-Truca ye una web aon ixos profesors, alumnos, asoziazions u particulars que asinas lo deseyen puedan alcontrar Recursos didauticos y Autividaz con as que treballar y meter en valor as nuestras tradizions y a cultura nuestra.